Kundalik fikrlar

2016 йилнинг 26 май куни 2016/2017 ўқув йили учун қабул квоталари аниқланди. Бу сафарги қарор сал бошқача. Бунда олий таълим тизимимизни ислоҳ қилишга оид бошқа масалалар ҳам кўтарилган бўлиб, қарорнинг тўла матни билан мана бу ҳаволада танишишингиз мумкин. http://xs.uz/index.php/uzhzhatlar/item/7662-2016-2017-uv-jilida-zbekiston-respublikasining-olij-ta-lim-muassasalariga-ishga-abul-ilish-t-risida Мен эса фикр билдирмоқчи бўлган қисмининг матнини қуйида келтириб ўтаман: Қарорнинг тўртинчи банди: 4. Ўзбекистон Республикаси Олий ва ўрта махсус таълим вазирлиги, Халқ таълими вазирлиги тасарруфида олий таълим муассасалари бўлган вазирликлар ва идоралар билан биргаликда:  жаҳоннинг ривожланган мамлакатларидаги етакчи университетлар ва олий ўқув юртлари билан қалин ҳамкорлик доирасида кенг кўламда иштирок этган ҳолда 2016/2017 ўқув йили бошлангунга қадар барча ўқув режалари ва дастурлари тубдан қайта ишлаб чиқилишини ниҳоясига етказишни таъминласин, фанларни ўқитишнинг эс

Кам гапириш ҳақида ўзимга қанча ваъз ўқимайин, бировларга ҳам кези келганда маслаҳат бермайин, ўзим бунга амал қилолмаяпман. Биринчидан, кўп гап эшакка юк дейишганидек, кўп гапириш беҳуда оворагарчиликларни етакласа, иккинчидан, кўп гапирилганда кам ўйланади. Ўйланмай айтилган гапнинг оқибати эса ҳамиша ҳам ҳайрли эмас. Кўп ўйла, кам гапир, кўп ишла! "Кўп...кам...кўп..." принципини ушлаш керак.

Нафсни тийишдан кейинги оғир иш жаҳлни тийиш бўлса керак. Охирги кунларда жуда тез жаҳлим чиқадиган бўлиб қолди. Сабаблари ҳам айтарли жиддий эмас. Жаҳлдан тушишим ҳам жуда секин. Бунинг олдини олиш учун нима қилишни билмай ҳайронман. Барчасига стресс (рухий зўриқиш) сабаб бўлса керак. Нимадир чора кўриш керак.

Мен учун айни пайтда энг қийин иш бировнинг мақоласини таржима қилиш. Биринчидан, тор доирадаги терминлардан бехабарлигинг тўсиқ бўлса, иккинчидан соҳа бўйича нималар маълумлиги, мақоланинг ўзак натижасини яхши тугунмаганинг ҳалақит беради. Қолеверса, мақола мазмунига яқин мақолаларнинг таҳлили, таққословини бериш умуман имконсиз. Хуллас, бош билан деворга мих қоқаётгандек ҳис қиляпман ўзимни.

Мактаб ўқувчилари учун тайёрланаётган математикадан қизиқарли масалалар ва мантиққа оид қизиқарли савол, бошқотирмаларни 2 та қисмга ажратиш маъқулдай туюлди. 5-9 синф ўқувчилари учун алоҳида тўплам қилиниши, унга кўпроқ матриеалларни киритиш имконини беради. Шу йилнинг охиригача бу тўпламниям тугатиб олиш керак.

Қонда бори барибир намоён бўлаверар экан. Ўзи қиладиган ишлар жуда кўп, лекин таниш-билишлар илтимос қилган ишларни битиришга беихтиёр киришиб кетяпман. Баъзида эса унча зарур бўлмаган ишлар ҳам чалғитиб қўйяпти. Одам организмининг эса имконияти чекланган. Бунинг устига барчага хос ялқовлик ҳам ишларнинг белига тепиб турибди. Режадан чиқиб кетяпман. Ҳафсала етишмаяпти. Худо хоҳласа, бир илҳом келиб қолса ҳаммаси ишга тушиб кетар.

Ҳар бир одам ўзига хос индивидуал характерга эга бўлади. Характер неча ёшда тўла шаклланиб бўлиши ҳақида билмайман. Лекин биринчи марта характеримни ўзгартиришга бўлган уринишим талабалик пайтимга тўғри келса керак. Охирги йилларда бундай уринишлар сони кўпайгандан кўпаймоқда, лекин барчаси самарасиз. Барибир асл ўзлигимда бор феълларим намоён бўлавеяпти. Айниқса, ижтимоий тармоқларда фаол бўлганинг сари ўзлигинг бошқаларга намоён бўлиб бораверар экан. Тўғри, ҳамма ҳам ўзи ожиз деб ҳисоблайдиган томонларини кўрсаткиси келмайди, лекин кези келса, бунинг намоён бўлишидан қўрқмаслик керак, менимча. Имкон борича ҳамиша аслингиз каби кўринишга ҳаракат қилаверишингиз керак, кам бўлмайсиз.

Саломатлик ҳамма нарсадан муҳим экан. Танангда хасталик бўлса, фикринг ҳам чалғийди, иштиёқинг йўқолади. Хасталикнинг биргина яхши томони соғломлик пайтингнинг қадрини билдиради, шукроналик ҳиссингни орттиради. Одамзод барибир ожиз банда. Ҳадеб ўзини ўтга-чўққа уриб танасига азоб бериши яхшиликка олиб келмайди.

Жамият равнақи учун маълум бир ишга ёндошар экансан, ўзига хос масъулиятни сезиш керак бўлади. Сен хоҳлаётган ўзгариш жамият учун қанчалик фойдали, уни амалга ошириш бўйича реал таклифларинг борми ва асосийси, шу ўзгаришларни қилишга қанчалик ҳиссангни қўша оласан? Шу саволларга жавобинг тайёр бўлсагина ташаббусни бошла экан. Ўз тажрибамда шуни синаб кўряпман. Барча саволларга ҳам ижобий жавоб бера олмадим. Бунинг учун кўп вақтимни ажратишим керак экан. Афсуски, бунга айни вақтда имконим йўқ. Шунинг учун маълум муддатда ўзгаришлар қилиш ҳақида ўйлашни ва бу борада мунозарага киришишни тўҳтатиб тураман.

Ўқитувчилик қонимда бор. Бугун илк бор оманлик талабалар билан ўқитувчи сифатида учрашдим. самимий муҳит ташкил қилишга ҳаракат қилдим. Истардимки, ҳар бир талабалар предмет бўйчи тушунмаганларини беҳижолат сўрайверишсин. Албатта, маълум ҳурмат масофасини сақлага ҳолда. Қани кўрамиз, бу ердаги педагоглик фаолиятим қандай кечаркин...

Баъзида фикрларингни ёзгинг келади. Тугал ҳолатда уларни етказмоқчи бўласан. Афсуски, бунга маҳоратинг етмайди. Кўп ишларни режалаштирасан. Уларни амалга ошириш борасидаги имкониятларингни чамалайсан. Ҳаммаси бинойидек кўринади. Ялқовлик қилмасанг барчасини бажарадигандексан. Лекин кунлик режаларинг чала-чулпа бажарилаётганини кўриб ҳайрон қоласан. Секин-секин ўзингга ишончсизлигинг орта бошлайди. Балки ортиқча ишларни режалаштиргандирман дейсан. Қиладиган ишларингга кўз ташлайсан. Яна ҳаммаси бинойидек, мураккаб нарсанинг ўзи йўқ. Шунда асл сабабни топгандай бўласан. Ҳамма гап иродангда. Иқтидоринг, уқувинг ва имкониятинг шу ишларни амалга ошириш учун етади. Ироданг сустлиги, қатъият билан ишга кириша олмаётганинг сабабли режаланган ишларингни ортга суриб бораётган бўласан. Ўзингни қўлга олиб, ҳозирги шароитнинг қадрига етиб кўп нарсаларни қилиб олишинг кераклигини тушунасан. Иродангни мустаҳкам қил, қатъият билан, ишонч билан, ғайрат билан олдингга қўйган мақсадларинг сари интил