Kundalik fikrlar

Бугун қишнинг охирги куни. Эртадан расман баҳор бошланади. Оманда тўрт фасл йўқ, энг камида Масқат шаҳри атрофида. Ноябрдан мартнинг ярмигача қиш, қолган пайт ёз. Қиш деганида энг юқори температура +30 градус, энг ками +15 градус. Ёз ҳақида гапирмасам ҳам бўлади. Ёзнинг энг иссиқ пайтини кўрмаганман. Май охиридаги +50 градус нинг ўзи менга татиган. Намлик юқори бўлгани учун ҳам +35 градус чидашнинг ўзи бўлмайди. Лекин айни дамда об-ҳаво жуда идеал. Кўчаларни кезиб мазза қиласан. Янги ишлар қилишга илҳом оласан. Омандаги маҳаллий аҳоли бошқа араб мамлакатларига қараганда анча муомалали. Қийинчилик кўргани билинади. Бу халқни яхшироқ билиш учун унинг бозорини, мозорини кўриш керак. Бозорнику кўриб боряпман, мозорини ҳали кўрмадим.

Яқинларингга меҳрингни кўрсата билишинг ҳам муҳим экан. Туғилган кун, турли байрамларда табриклашни кўп ҳолларда ўзимга эп кўрмасдим. Негадир эриш туюлаверарди. Шунча пайт хабарлашмай, кейин бир кундагина эътиборни кўрсатиш самимий ҳаракатдек кўринмасди. Лекин адашган кўринаман, айниқса, ёши улуғ яқинларимга имкон қадар эътибор кўрсатиб туришим керак. Румий ҳазратларининг "Аслинг каби кўрин ёки кўринганинг каби бўл" деган ҳикматида катта маъно бор экан. Эътиборли бўлиб кўриняпсанми, демак аслинг ҳам шундай бўлиши керак. Аслингда уларга катта меҳринг борми, уни кўрсатиш ҳам керак экан.

Кундан-кунга фикрлашим турли эврилишларга юз тутмоқда. Лекин бу муқимлик характерига эга бўлмаган эврилишлар. Бундай ҳолатнинг биргина яхши томони маълум бир масалага турли томондан қарашни ўргатишидир. Бу борада менинг фикрим мутлақдир деган принципиалликни ёқтирмайман. Инсонда самимийлик устун бўлиши керак. Маълум бир дунёвий мақсадларга эришиш учун стратегия қўллаб ўзликдан кечмаслик керак.

Бу ерда дарс беришнинг қийин томонлари аста-аста кўриниб бормоқда. Бир вақтнинг ўзида илмий тадқиқотлар олиб бориш қанчалар қийин эканлигини сезяпман. Лекин барибир ўзимиз билан таққослаганда шароит бу ерда анча яхши. Вақт тақсимотини тўғри қилинса, муваффақиятга эришса бўлади.

Ёзиш борган сари қийинлашиб бормоқда. Бунга ҳафсала йўқлиги сабабмикан ёки ёзишга мавзу қолмаганмикан? Охирги ойларда сиёсий шокни бошдан ўтказганим учун ҳам балки ёзишдан кўнглим қолгандир. Бунинг оқибати ҳайрли бўлади деб умид қиламан. 

2016 йилнинг 26 май куни 2016/2017 ўқув йили учун қабул квоталари аниқланди. Бу сафарги қарор сал бошқача. Бунда олий таълим тизимимизни ислоҳ қилишга оид бошқа масалалар ҳам кўтарилган бўлиб, қарорнинг тўла матни билан мана бу ҳаволада танишишингиз мумкин. http://xs.uz/index.php/uzhzhatlar/item/7662-2016-2017-uv-jilida-zbekiston-respublikasining-olij-ta-lim-muassasalariga-ishga-abul-ilish-t-risida Мен эса фикр билдирмоқчи бўлган қисмининг матнини қуйида келтириб ўтаман: Қарорнинг тўртинчи банди: 4. Ўзбекистон Республикаси Олий ва ўрта махсус таълим вазирлиги, Халқ таълими вазирлиги тасарруфида олий таълим муассасалари бўлган вазирликлар ва идоралар билан биргаликда:  жаҳоннинг ривожланган мамлакатларидаги етакчи университетлар ва олий ўқув юртлари билан қалин ҳамкорлик доирасида кенг кўламда иштирок этган ҳолда 2016/2017 ўқув йили бошлангунга қадар барча ўқув режалари ва дастурлари тубдан қайта ишлаб чиқилишини ниҳоясига етказишни таъминласин, фанларни ўқитишнин...

Кам гапириш ҳақида ўзимга қанча ваъз ўқимайин, бировларга ҳам кези келганда маслаҳат бермайин, ўзим бунга амал қилолмаяпман. Биринчидан, кўп гап эшакка юк дейишганидек, кўп гапириш беҳуда оворагарчиликларни етакласа, иккинчидан, кўп гапирилганда кам ўйланади. Ўйланмай айтилган гапнинг оқибати эса ҳамиша ҳам ҳайрли эмас. Кўп ўйла, кам гапир, кўп ишла! "Кўп...кам...кўп..." принципини ушлаш керак.